52 · Abba Abraham: las pasiones atadas

ϯ̇ⲛⲁⲙⲓ̇ϣⲉ ⲙⲛ̇ⲡⲁⲙⲉⲉⲩⲉ̇ ⲉ̇ⲧⲙ̇ϫⲱϩ ⲉⲣⲟⲥ .

…lucharé con mi pensamiento para no tocarla».^✦

ⲡⲉϫⲉⲁ̇ⲡⲁ ⲁ̇ⲃⲣⲁϩⲁⲙ ⲛⲁϥ · ϫⲉⲟⲩⲕ ⲟⲩⲛ ⲉⲓ̇ⲥϩⲏⲏ̇ⲧⲉⲙ̇ⲡⲉⲕϩⲱⲧⲃ̇ ⲙ̇ⲡ̇ⲡⲁⲑⲟⲥ . ⲁ̇ⲗⲗⲁ ⲉ̇ⲧⲓ̇ϥⲟⲛⲁϩ · ϥ̇ⲙⲏⲣ ⲇⲉ ⲻ

Abba Abraham le dijo: «Entonces, he aquí que no has matado la pasión, sino que todavía vive; solo que está atada.

ⲡⲁⲗⲓ̈ⲛ ⲟⲛ ⲉ̇ⲕⲙⲟⲟ̇ϣⲉ · ϩⲛ̇ⲧⲉϩⲓ̈ⲏ̇ . ⲁⲩⲱ̇ ⲉ̇ⲕⲛⲁⲩ ⲉ̇ϩⲛ̇ⲱ̇ⲛⲉ ⲙⲛ̇ϩⲉⲛⲃⲉⲗϫⲉ . ⲉ̇ⲣⲉⲟⲩⲛⲟⲩⲃ ⲇⲉ ϩⲛ̇ⲧⲉⲩⲙⲏⲧⲉ · ⲟⲩⲛ̇ϭⲟⲙ ⲙ̇ⲡⲉⲕϩⲏⲧ ⲉ̇ⲉ̇ⲡⲡⲁⲓ̇ ⲛ̇ⲑⲉ ⲛ̇ⲛⲁⲓ̇ .

Además, si vas caminando por el camino y ves piedras y tiestos, y oro en medio de ellos, ¿puede tu corazón tenerlo por igual que aquellos?».

ⲡⲉϫⲁϥ ϫⲉⲙ̇ⲙⲟⲛ . ⲁ̇ⲗⲗⲁ ϯ̇ⲛⲁⲙⲓ̇ϣⲉ ⲙⲛ̇ⲡⲁⲙⲉⲉ̇ⲩⲉ̇ ⲉ̇ⲧⲙ̇ϥⲓ̇ⲧϥ̇ ⲻ

Dijo: «No; pero lucharé con mi pensamiento para no tomarlo».

ⲡⲉϫⲉⲡ̇ϩ̇ⲗⲗⲟ ⲛⲁϥ ϫⲉⲉⲓ̇ⲥϩⲏⲏ̇ⲧⲉ ⲟ̇ⲛ ⲡ̇ⲡⲁⲑⲟⲥ ⲟ̇ⲛⲁϩ . ⲁ̇ⲗⲗⲁ ϥ̇ⲙⲏⲣ .

El anciano le dijo: «He aquí que también [esta] pasión vive, pero está atada».

ⲡⲉϫⲁϥ ⲟ̇ⲛ ⲛ̇ϭⲓ̇ⲁ̇ⲡⲁ ⲁ̇ⲃⲣⲁϩⲁⲙ · ϫⲉⲉⲓ̇ⲥϩⲏⲏ̇ⲧⲉ ⲁ̇ⲕⲥⲱⲧⲙ̇ ⲉ̇ⲧⲃⲉⲥⲟⲛ ⲥ̇ⲛⲁⲩ . ϫⲉⲡⲟⲩⲁ̇ ⲙⲉ ⲙ̇ⲙⲟⲕ · ⲁⲩⲱ̇ ϥ̇ϯ̇ⲉ̇ⲟⲟⲩ ⲛⲁⲕ ⲻ ⲡⲕⲉⲟⲩⲁ̇ ⲇⲉ ⲙⲟⲥⲧⲉ ⲙ̇ⲙⲟⲕ ⲁⲩⲱ̇ ϥ̇ⲕⲁⲧⲁⲗⲁⲗⲓ̈ ⲙ̇ⲙⲟⲕ .

Dijo también abba Abraham: «Supón que oyes hablar de dos hermanos: uno te ama y te honra, y el otro te odia y te calumnia.

ⲉ̇ⲩϣⲁⲛⲉⲓ̇ ⲇⲉ ϣ̣ⲁⲣⲟⲕ ⲕ̇ⲛⲁϣⲟⲡⲟⲩ ⲉ̇ⲣⲟⲕ ϩⲙ̇ⲡⲉⲓ̇ⲙⲉⲉ̇ⲩⲉ̇ ⲛ̇ⲟⲩⲱ̇ⲧ ⲙ̇ⲡⲉⲥⲛⲁⲩ .

Si vienen a ti, ¿los recibirás a los dos con un mismo pensamiento?».

ⲡⲉϫⲁϥ ϫⲉⲙ̇ⲙⲟⲛ · ⲁ̇ⲗⲗⲁ ϯ̇ⲛⲁⲡⲟⲗⲩⲙⲓ̇ ⲙⲛ̇ⲡⲁϩⲏⲧ ⲉ̇ⲧⲣⲁⲣ̇ⲡⲡ̇ⲉⲧⲛⲁⲛⲟⲩϥ ⲙⲛ̇ⲡⲉⲧⲙⲟⲥⲧⲉ ⲙ̇ⲙⲟⲓ̇ ⲛ̇ⲑⲉ ⲙ̇ⲡⲉⲧⲙⲉ ⲙ̇ⲙⲟⲓ̇ ⲻ

Dijo: «No; pero lucharé con mi corazón para hacer el bien al que me odia como al que me ama».

ⲡⲉϫⲁϥ ⲇⲉ ⲛⲁϥ ⲛ̇ϭⲓⲁ̇ⲡⲁ ⲁ̇ⲃⲣⲁϩⲁⲙ · ϫⲉϩⲱⲥⲧⲉ ϭⲉ ⲥⲉⲟ̇ⲛⲁϩ ⲛ̇ϭⲓ̇ⲙ̇ⲡⲁⲑⲟⲥ . ⲁ̇ⲗⲗⲁ ⲉ̇ⲩⲙⲏⲣ ⲛ̇ⲧⲟⲟ̇ⲧⲟⲩ ⲛ̇ⲛⲉⲧⲟⲩⲁ̇ⲁⲃ ⲻ

Le dijo abba Abraham: «Así pues, las pasiones viven; solo que los santos las tienen atadas».